Ciwanên şoreşger ji çiyayê Qereçoxê piştgiriya xwe ji berxwedana gerîla re nîşan da

Ciwanên şoreşger ên Sûriyê bi meşekê piştgiriya xwe ji berxwedana gerîlayan re nîşan da û got, kesên ku destekê dide dewleta Tirk xayin in.

Bertekên li hemberî êrişên dagirkirinê yên dewleta Tirk a dagirker ên li ser Başûrê Kurdistanê zêde dibin.

Tevgera Ciwanên Şoreşger a Sûriyê û Yekitiya Jinên Ciwan meşeke bi meşleyan ber bi çiyayê Qereçoxê ve li dar xist. Ciwanan piştgiriya xwe ji berxwedana gerîla re nîşan da û hewlesta PDK'ê şermezar kir.

Meş ji jêra çiyayê Qereçoxê ber bi lûtkeya wê ve dest pê kir. Ciwanan wêneyan rêber Abdullah Ocalan, wêneyên gerîla û alên PKK'ê hildabûn û diruşmên silavkirina berxwedana gerîla û pêngava Bazên Zegrosê berz kirin.

Li lûtkeya çiya, deqeyeke rêz hate girtin. Ji rêveberên Tevgera Ciwanên Şoreşger a Sûriyê Malik Remo daxuyanî xwend, diyar kir ku dewleta Tirk li pêşberî berxwedana gerîla têk çû û êrişên wê têk çûn ji ber ku îradeya gerîla ji çeka Tirkiyê bihêztir e.

Di daxuyaniyê de hate diyarkirin ku dewleta Tirk dixwaze şerê kurdî-kurdî derxîne, her wiha bang li PDK'ê hate kirin ku hevkariya xwe ya bi dewleta Tirk re rawestîne û  hate gotin: "Yên ku destekê didin dagirkeriya Tirk ji bo gelê Kurd xayin in."

Di dawiya daxuyaniyê de ciwanan piştgiriya xwe ji berxwedana gerîlayan re nîşan da.

ANHA


Mijarên Din