Ciwanên Reqa: Em bihustek ji xaka Sûriyê bernadin

Ciwanên Reqayê bang li ciwanên li hundir û dervî Sûriyê kirin ku li hember dagirkeriya Tirkiyê di yek rêzê de bisekinin. Her wiha gotin kir ku ew derfet nadin ku buhestek ji xaka wan were dagirkirin.

Bi dehan ciwanên gundewarên başûrê Reqayê li navenda çalakiyên ciwanan a li El-Kisrat kom bûn û der barê bêdengiya navdewlestî ji ber êrişên hovane yên dewleta Tirk a dagirker û çeteyên wê li dijî gelên herêmê de, daxuyaniyek da.

Daxuyanî ji aliyê Endamê Komîteya Perwerdeyê ya navenda çalakiyên ciwanan Izedîn Abdullah ve hat xwendin.

Daxuyanî wiha ye:

"Dewleta Tirk a faşîst ji 9`ê Cotmehê ve û heta roja îro êrişî herêmên Bakurû Rojhilatê Sûriyê dike. Encamên pir neynî ji ber çêbûn. Armanca projeya osmanî ew e ku dest deyne li xêr û bêrên welatê me û xeteriyê li ser aramî, ewlehiya Sûriyê her wiha herêmê çêdike. Armanca wan ku nasnameya herêmê biguhêrin, nemaze piştî ku zêdeyî 300 hezar kes ji şêniyên Girê Spî û Serêkaniyê, dan koçberkirin.  

Em ciwanên Bakur û Rojhilatê Sûriyê siyaset û gefên li dijî me red dikin. Em projeya hovane ya dewleta Tirk ku dê zerarê bide herêmê, red dikin. Bêdengiya navdewletî li beramberî sûcên mirovahiyê tê wateya destekdayîna ji êrîş û koçberkirina gelên herêmê re.

Em ciwanên Reqayê dê li hember dewleta Tirk a dagirker bisekinin. Em derfet nadin ku dagirker derbasî herêmên me bibin. Em bihustek ji xaka Sûriyê bernadin. Em ê bi hemû hêza xwe parastina xaka Sûriyê ji Cerablus, Efrîn, Idlib, Ezaz, Bab heta Girê Spî û Serêkaniyê bikin. Me gelek şehîd dan û em ê ji bo serkeftinê her tiştê giranbûha feda bikin.

Em bang li tevahî ciwanên Sûriyê yên li hundir û derveyî welêt dikin ku parastina xaka xwe bikin û li hember êrişên hovane û sûcên li dijî mirovahiyê û sivîlan, bisekinin."

(bx)

ANHA


Mijarên Din