Ciwanê ku red kir biçe Lîbyayê, li nêzî malê bidarvekirî hate dîtin

Li gundê Mêrkan ê navçeya Mabata ya kantona Efrîna dagirkirî cenazeyê ciwanê bi navê Mihemed Mistefa li nêzî malê bidarvekirî hat dîtin. Mhemed Mistefa red kiribû ku biçe Lîbyayê.

Rêxistina Mafên Mirovan a Efrîn-Sûriyê ragihand ku duh sibehê li gundê Mîrkan ê navçeya Mabata ya kantona Efrînê ya dagirkirî, cenazeya ciwanê bi navê Mihemed Mistefa Yûsif (18) li nêzî malê bi dara gûzê ve bidarvekirî hat dîtin.

Li gorî Rêxistina Mafên Mirovan a Efrîn-Sûriyê, hin çavkaniyên ji nava Efrînê diyar kir ku malbata Mihemed Mistefa neçar ma koçî gundê Mêrkan bibe, ji ber ku çeteyên Lîwa Semerqend mala wan ya li gundê Hec Qasim ê heman navçeyê desteser kir û astengî ji wan re derdixistin.

Çavkaniyan destnîşan kir ku Mihemed Mistefa nexwestiye bi zarokê bi navê Ebdo Şêxo yê ji gundê Rota re biçe Lîbyayê û li gel hikumeta Wîfaqê ya bi piştevaniya Tirkiyê şerê artêşa Lîbyayê bike.


Mijarên Din