Civîna salane ya Rêveberiya Xweser bi dawî bû

Rêveberiya Xweser a Bakur û Rojhilatê Sûriyê civîna xwe ya salane ya yekemîn bi rapora li ser girîngtirînên xebat û destkeftiyên ku di tevahî aliyan de pêk anîbûn bi dawî kir û her wiha plana ku dê di sala nû de li ser bixebite eşkere kir.

Rêveberiya Xweser a Bakur û Rojhilatê Sûriyê civîna xwe ya salane 2 rojan bê navber li hola civînan a Navenda Çand û Hunerê ya bajarê Reqayê bi beşdariya endamên MSD’ê, Desteya Serokatiya Rêveberiya Xweser, deste, buro û hevserokên 7 Rêveberiyên Xweser û Sivîl ên Bakur û Rojhilatê Sûriyê li dar xist.

Ji plan û projeyên girîng ku dê xebat li gorî wê bê kirin wiha ne:

  • Şopandin û temamkirina sazûmaniya rêxistinê ya tevahî deste, buro û desteyan li gorî xwespartina rêziknameya hundirîn.
  • Xebat li ser şopandina derxistina giştîname û biryarên rêxistinî ya der barê xizmeta hêsankirina rêveçûna xebata saziyên Rêveberiya Xweser a Bakur û Rojhilatê Sûriyê de werekirin.
  • Xebat li ser lidarxistina civînên girse yên gel û guhdarîkirina nêrînên wan bi hedefa dîtina çareyan ji azarên wan re were meşandin.
  • Xebat li ser hêsankirina bergiriyên kar bi hedefa sivikkirina bîrokratî û sivikkirina bar li ser şêniyan wê were kirin.
  • Keddayîna ji bo pêşxistina mekanîzmaya  rêveçûna xebatê ya piştgiriya projeya Erka Xweparastinê û erka parastinê bibe mijara yekemîn a Rêveberiyên Xweser û Sivîl
  • Rawestandina li ser, çewtî û şaştiyan û dîtina çareseriyan jê re û lêpirsîna kesên kêmasiyan dikin.
  • Pêşxistina rêbaza rêvebertiyê ya saziyên çapemeniyê.
  • Hewldana pêşxistina xebata nûnertiyên Rêveberiya Xweser yên li derve da ku bi awayekî saziyane bixebitin.
  • Divê girîngiya yekemîn a projeyên di mecalên (xizmetguzarî, fêrkirin û perwerde, tenduristî, aborî û çandî) de bê dayîn.
  • Pêkanîna projeyên geşkirinê ji bo jinan.
  • Şopandina xebatê li goristanên şehîdan, divê girîngî ji zarok û malbatên şehîdan re bê dayîn.
  • Piştgiriya beşên çandî, turîzmî û şûnwaran ku parastina mîras û bermahiyan mîsoger bike her wiha divê binpêkirinên ku li ser cihên dîrokî tên kirin û ji aliyên pêwendîdar re tên şandin, bên şopandin û belgekirin.
  • Berfirgehkirina planên rêxistinî li gorî pêdiviyan û sînordarkirina lêkirina avahiyên bêserûber.
  • Avakirina herêmên endustirî û pîşeyî li gorî pêwîstî û pêdiviyan.
  • Divê girîngiya yekemîn ji projeyên xizmetguzarî yên girêdayî binesazî ji qîrkirin, sererastkirin, çêkirin û restorakirina torên avê û kanalîzasyonê re bê dayîn.
  • Şopandina çareserkirina pirsgirêkên avê li gelek bajarên ku azarên kêmbûna avê dikişînin bê kirin.
  • Divê girîngî li ser kar û barên kampan, pêşxistina rewşên koçberan û xebata bi hemû rêbazan der barê vegerandina wan a warên wan de bê kirin.
  • Divê girîngî li ser dosyeya mirovî û dan û standina pê re ku wek yek dosyeyê bê kirin û piştgiriya buroyê bê kirin ku stratejiya wê pêk bîne.
  • Divê girîngî li ser avahiyên sporê bê dayîn û avahiyên nû bên avakirin û her wiha  navendên geşkirina pîşeyî ji ciwanan re li ser tevahî astan bên avakirin.
  • Divê berneme û xebata tomarkirina sivîl a elektronîk bê pêşxistin.
  • Divê navendên piştgiriya sêwî û astegndaran li gorî pêdivî û derfetan bên avakirin.
  • Domandina xebata sererastkirin, restorakirina dibistanan û dibistanên nû bên avakirin.
  • Divê piştgiriya beşa tenduristî bi rêya restorakirina nexweşxane û navendên tenduristiyên ên heyî bê kirin û her wiha divê pêdivî û alavên wê bên dabînkirin û nexweşxaneyên taybet bên avakirin.
  • Pêşxistina malpera elektronîk ya Rêveberiya Xweser.
  • Avakirina kargehên berhemdayînê bi hedefa dabînkirina derfetên xebatê û peydakirina pêdiviyên şêniyan ji pêwîstiyên jiyanê bi buhayên guncaw.
  • Lidarxistina pêşangeha endustirî ya salane bi demeke diyar.
  • Zêdekirina hejmara firanan da ku pêdiviya şêniyan ji nan pêk bîne.
  • Xebata li ser parastina jînegeh û dîtina çareseriyan ji pirsgirêkên qirêja jînegehê.
  • Zêdekirina rûberên şînkahiyê li herêmên ziwa bûne da ku nebe çolistan.

(fr)
ANHA


Mijarên Din