Çeteyên Tirkiyê di nava çend rojan de zêdetirî 300 sivîlên din revandin

Artêşa Tirk a dagirker û çeteyên wê di çend rojên dawî de zêdetirî 300 sivîl ji herêma Efrînê revandin û li beramberî berdana wan, pere ji malbatên wan xwestin.

Artêşa Tirk a dagirker û çeteyên wê binpêkirinên li dijî şêniyên kantona Efrînê didomînin. Li beramberî vê yekê jî civaka navdewletî bêdenge.

Li gorî agahiyên ku ajansa me ANHA`yê bidest xist ku artêşa Tirk a dagirker û çeteyên wê di nava çend rojên dawî de zêdetirî 300 sivîl ji wan jin, bi tewanên derew revandin û li beramberî berdana wan ji malbatên wan pere xwestin.

Çavkaniyekî ji navçeya Şera diyar kir ku di 17`ê Hezîranê de çeteyan Idrîs Horo û Elî Horo ji gundê Zeytûnkê revandin û heta niha çarenûsa wan ne diyar e.

Her wiha çavkaniyên din ji hundirê Efrînê diyar kirin ku çeteyên dewleta Tirk a dagirker beriya 2 rojan 10 welatiyên ji navçeya Mabata revandin û ber bi cihekî ne diyar ve birin.

(jo/bm)

ANHA

 


Mijarên Din