Çeteyan li Serêkaniyê bi çekên giran bihev ketin

Di van kêliyan de çeteyên artêşa Tirk a dagirker li bajarê Serêkaniyê yê girêdayî Kantona Hesekê yê dagirkriî, bi dijwarî bi çekên giran bi hev ketin.

Çavkaniyan ji hundirê bajarê Serêkaniyê yê dagirkirî komên çeteyên Tirkiyê li taxa Mehta li nêzî çarxerêya Mîtan li navenda bajêr bi hev ketin. Ev şer saet ji 15:45`an destpê kir û heta vê kêliyê berdewam e.

Li gorî çavkaniyan, çeteyan destpêkê bi çekên sivik bi hev ketine lê piştre deng çekên giran û topavêj hatin bihîstin.

Li gorî agahiyên destpêkê di encama wê bihevketinê û topbaranê de jinek ji şêniyên bajêr şehîd bûye tevî gelek çete birîndar bûne.

Di meha Hezîranê de komên çeteyên Tirkiyê li ser desteserkirina Seyrangeha Mişwar li hemberî nexweşxaneya Roj a Watanî li nêzî çarxerêya Şehîdan li taxa Zerdeşt gelek caran bi hev ketine.

(şx)

ANHA


Mijarên Din