Cenazeyê şehîd Yûsif Xalid li Tirbespiyê hate veşartin

Cenazeyê şervanê Hêzên Erka Xweparastinê Yûsif Xalid ê ku di çarçoveya Berxwedana Rûmetê de ya bersivdayîna êrişên dagirkeriya Tirk û çeteyên wê şehîd bibû, li navçeya Tirbespiyê hate veşartin.

Bi dehan şêniyên navçeya Tirbespiyê bi hemû pêkhateyên wê Kurd, Ereb û Suryan ji bo oxirkirina cenazeyê şervanê Hêzên Erka Xweparastinê Yûsif Xalid ê ku di çarçoveya Berxwedana Rûmetê de ya bersivdayîna êrişên dagirkeriya Tirk û çeteyên wê yên li ser herêmê şehîd bûye, li goristana Şehîd Dilşêr a li gundê Dugur kom bûn.

Merasîm bi deqeyeke rêzgirtin destpê kir. Piştre rêveberê Meclisa Malbatên Şehîdan a Kantona Qamişlo Mahsûm Hesen axivî, îşaret bi hevgirtina pêkhateyên herêmê ya li hemberî komployên derve kir.

Hesen bal kişand ku dîroka dewleta Tirk bi komkujiyên li dijî Kurd, Ereb, Suryan û Ermen dagirtî ye û îdîayên dewleta Tirk a avakirina "Herêma ewle" ji her kesî re eşkere ye ku niyetên wê yê dagirkirinê eşkere dike.

Piştre nasnameya şehîd hate xwendin û radestî malbatê hate kirin.

Cenazeyê şehîd di nava dirûşme û tilîliyên dayikan hatin veşartin.

ANHA


Mijarên Din