Çavkaniyek: Bi dronê civîna endam û fermandarên Rûsyayê kirin hedef

Çavkaniyekî diyar kir ku bi dronekê civîna endam û fermandarên hêzên Rûsyayê hate hedefkirin. Di encamê de 6 kes birîndar bûn.

Çavkaniyekî pê bawer ji bajarê Dirbêsiyê ji ANHA'yê diyar kir ku civîna fermandar û endamên hêzên Rûsyayê ya li nuqteya koordîneyê ya li ser rêya Dirbêsiyê – Hesekê bi dronekê hate hedefkirin. Çavkanî got, civîn bi armanca lêkolînkirina bombebarana vê sibehê ya li ser nuqteyê hate lidarixistin.

Li gorî heman çavkaniyê di bombebarana li ser nuqteyê de, ji beşdarên civînê 6 kes birîndar bûn.

Nuqteya koordîneyê ya hêzên Rûsyayê ya li ser rêya Hesekê-Dirbêsiyê îro du rojan ji aliyê dronekê ve hate hedefkirin.

ANHA


Mijarên Din