Çalakiya mertalên zindî ya li Kobanê di roja 2‘yemîn de didome

Çalakiya mertalên zindî ya xelkên Kobanê li ser sînor a li dijî gefên dagirkeriya Tirk didome.-

Nerazîbûna şêniyên Bakur û Rojhilatê Sûriyê ji gef û êrîên dagirkeriya Tirk ên li ser Bakur û Rojhilatê Sûriyê didome. Duh bi sedan şêniyên kantona Kobanê li ser sînorê Bakurê Kobanê dest bi çalakiyên mertalên zindî kirin.

Konê çalakiyê li gundê Qeremox ê nêzî sînor hatiye vedan û di roja duyemîn de didome. Çalakiya îro ji aliyê endamên navçeya Şêranê ve hate dorgirtin. Bi sedan kes herikîn bin kon û nerazîbûn nîşanî gefên Tirkiyê dan.

Di bin konê çalakiyê de pankarên "Ji dagirkeriya faşîst re na " û alên Tevgera Ciwanên Şoreşger a Sûriyê hatin daliqandin.

Helbestvan Ferhadê Merdê di bin konê çalakiyê de helbestên xwe xwend.

Çalakiyên mertlên zindî yên bi armanca şermezarkirina gefên Tirkiyê yên ser herêmên Bakur û Rojhilatê Sûriyê li Qamişlo û Girê jî didome û seranserî Bakur û Rojilatê Sûriyê çalakiyên nerazîbûnê têne lidarxistin.

ANHA


Mijarên Din