Bi banga rakirina tecrîda li ser rêber Abdullah Ocalan û pêkanîna azadiya wî ya fîzîkî, Tevgera Ciwanên Şoreşger a Sûriyeyê duh, çalakiya konvendanê da destpêkirin.
Di roja duyemîn de, endamên saziyên sivîl ên gundewarê rojhilat ê Dêrazorê herikîn bin kon ku li ber avahiya ciwanan a bajarokê Hecînê hatiye vedan.
Di bin kon de axaftina hatin kirin. Hevserokê Meclisa Herêma Rojhilat a Dêrazorê Selah Selman axivî, bêdengiya hêzên navneteweyî ya li hemberî tecîrdaê û cezayên li ser rêber Ocalan şeremzar kir.
Selman got: "Hemû dewletên kapîtalîst komployan li dijî gelê Bakur û Rojhilatê Sûriyeyê dikin. Vî gelê ji bo rizgarkirina cîhanê ji terora DAIŞʹê fedakariyên mezin da. Divê cîhan dengê me bibhîze û çareseriyeke siyasî ji alozî û êrişên dewleta Tirk a dagirker ên li ser herêmên me yên bi armanca têkbirina projeya neteweya demokratîk û biratiya gelan bibîne. Em ê têkoşîn û berxwedanê bedewam bikin. Em ê li ser xeta şehîdan bimeşin heta ku serkeftinê mîsoger bikin û herêmên dagirkirî rizgar bikin."
Piştre Tevgera Ciwanên Şoreşger a Sûriyeyê –Şaxê gundewarê rojhilat ê Dêrazorê daxuyanî da. Endamê tevgerê Xelîl Feyad daxuyanî xwend.
Di daxuyaniyê de êrişên dewleta Tirk a dagirker ên li ser herêmê hatin şermezarkirin û hate gotin: "Em li vir kom bûne da ku ji cîhanê re diyar bikin ku em doza xwe û rêberê xwe ji bîr nakin. Heger berdîl giyanê me jî wê çalakiyên me yên ji bo azadiya fîzîkî ya rêber Ocalan berdewam bikin. Ev kon wê ne yê ewil be û ne jî yê dawî be."
Piştre beşdarên çalakiyê ji bo azadiya fîzîkî ya rêber Ocalan îmzeyên xwe dan.
Çalakî wê sibe di roja 3ʹyemîn de bi dawî bibe.
(bb)
ANHA
