‘Bi saya şehîdan, gelan azadiya xwe bi dest xist’

Şêniyên Minbic û gundewarên wê sersaxî ji malbata du şehîdan re xwestin û diyar kirin ku bi saya keda şehîdan şêniyê herêmê bi ewlehî û azadî dijîn.

Îro bi sedan şêniyên bajarê Minbicê li pêşiya Meclisa Malbatên Şehîdan kom bûn û sersaxî ji malbatên Mihemed Hisên El-Casêm (Mihemed Minbic) û Berq Ebd El-Fetah Hezûrî (Firat Minbic) ên di berxwedana Rûmetê de şehîd bûne re, xwestin.

Di merasîmê de endamên Rêveberiya Sivîl a Demokratîk li Mibicê û gundewarên wê amade bûn. Beşdaran alên Meclisa Malbatên Şehîdan û wêneyên cangoriyan rakiribûn û dirûşmeyên dilsoziya bi şehîdan re berz dikirin.

Merasîma sersaxiyê bi deqeyeke rêzgirtin destpê kir. Piştre gelek axaftin hatin kirin. Bi navê Meclisa Malbatên Şehîdan, endama meclisê Werde El-Ehmed axivî û got: "Serê me û serê malbatên şehîdan sax be, yên ku zarokên xwe di oxira parastina gel û namûs û welat de dane."

Piştre bi navê rêveberiya meclisên herêmî li Minbicê û gundewarên wê Sîham Himêdî wiha axivî: " Şehîdên leheng ji bo azadiya welatê xwe û rûmeta gelê xwe canê xwe feda kirin û dilê me bi çûyîna xwe êşiya. Em dayikên ku qehremanên ji mirinê natirsin anîne, silav dikin." 

Merasîm bi siloganên dilsoziya bi şehîdan re û silavkirina berxwedana Rûmetê, bidawî bû.

ANHA


Mijarên Din