Şêniya herêma Efrîn û Şehbayê ji bo şermezarkirina tecrîda li ser Rêber Apo tev li mitingê bûn ku ji aliyê Kongra Star û Tevgera Kevana Zêrîn ve hate lidarxist.
Têkildarî mijarê endamên Tevgera Kevana Zêrîn û dayîkên şehîdan, nêrînên xwe ji ajansa me re parvekirin.
Endama Tevgera Kevana Zêrîn Fatmê Silêmen wiha got: "Em li vir amade ne, ji bo azadiya fîzîkî ya Rêber Apo. Kongra Star û Kevana Zêrîn ji bo azadiya Rêber Apo broşûr li tevahî Şehbayê belav kirin. Ji bo rêberê me azad bibe, çi bê xwestin em amade ne û em dê her tim li qadan bin."
Her wiha endama Tevgera Kevana Zêrîn Egemde Xelîl diyar kir ku ji bo azadiya fîzîkî ya Rêber Abdullah Ocalan, ev hefteyeke li qadan in û destnîşan kir ku jinên ciwan heta azadiya fîzîkî ya Rêber Abdullah Ocalan pêk pêk were dê li qadan bin.
Her wiha endama Tevgera Kevana Zêrîn Gulistan Mamo jî diyar kir ku ew ji bo azadiya fîzîk ya Rêber Abdullah Ocalan daketine daqan û wiha gotin: "Em bi fikir û felsefeya Rêber Apo gihiştin roja îro. Ji bo ku em Rêber Apo bi fîzîk azad bikin pêwîst e, dê bi rihê jina azad em dê Rêber Apo azad bikin."
Her wiha dayîka bi navê Asya Ebdo jî wiha got: "Em tecrîda li ser Rêber Apo qebûl nakin û bi tundî şermezar dikin. Ka dewletên navneteweyî û rêxistinên mafên mirovan, çima li hember tecrîdê deng nakin.”
Dayîka Asya soz da ku heta azadiya fîzîkî ya Rêber Abdullah Ocalan pêk were dê li kolanan û li qadan bin ji ber ku bi saya wî jin bûye xwedî vîn û xwedî li doza xwe derketiye.
ANHA
