Bi meşeke meşeleyî salvgera Şoreşa 19'ê Tîrmehê silav kirin

Bi diruşmeya "Şoreşa Rojava şoreşa jin e..vaya jin şoreşa xwe diparêze", bi pêşengiya jinan bi hezaran şêniyên taxên Şêxmeqsûd û Eşrefiyê meşek meşleyî lidar xist û Şoreşa 19'ê Tîrmehê silav kir.

Bi hezaran şêniyên taxên Şêxmeqsûd û Eşrefiyê  ku mişle, wêneyên şehîdan û posterên Rêber Abdullah hildan bûn, li beşê rojavayê taxa Şêxmeqsûdê kom bûn da ku beşdarî mesa ji bo salvgera 8'an a 19'ê Tîrmehê bibin. Meş ji aliyê Kongreya Star ve hat lidarxistin.

Meş li kolanên sereke yên taxê dewam kir û li çerxerêya Şehîd Destîna a beşê rojhilatê taxa Şêxmeqsûdê sekinî. Di meşê de diruşmeyên silavkirina berxwedana jinan hatin avêtin.

Li çerxerêya Şehîd Destîna beşdaran deqeyek rêz girtin. Piştre qeyda deng ê Rêber Abdullah Ocalan guhdar kirin ku banga têkoşîna azadiyê dike.

Endama Kongreya Star Rewşen Mûsa axivî, salvgera Şoreşa Rojava li beşdaran pîroz kir û got: "Şoreşa Rojava bi şoreş jin tê naskirin. Jin di her qadan siyasî û leşkerî de cihê xwe girt. Bedena wê bû pirek ber bi neteweya demorkatîk ve."

Rewşen Mûsa bang li jinan kir fikrê neteweya demokratîk bighînin tevahî cîhanê û soza şopandina rêya şehîdan da.

Di dawiya meşê de xelekên dîlanê li ber stranên şoreşgerî hatin gerandin.

ANHA


Mijarên Din