Bawernameyên zimanê kurdî li 600 mamosteyan hatin belavkirin

600 mamoste yên ku di nava 4 salên dawî de li Peymangeha Şehîd Baz a Zanistên Perwerdeyê perwerdeyên zimanê kurdî dîtibûn bawernameyên derçûnê wergirtin.

 

Peymangeha Şehîd Baz a li navçeya Girkê Legê di sala 2015‘an de bi armanca avakirina mamosteyên zimanê Kurdî hate vekirin.

Bi destpêka sala nû ya perwerdeyê Rêveberiya peymengehê şahiya belavkirina bawernameyên derçûnê li 600 mamoste û xwendekarên ku di nava 4 salan de li peymangehê perwerde dîtine li dar xist.

Şahî li qada parka Erd Seîda a li bajarokê Rimêlan hate lidarxistin.

Hevserokê Desteya Rêveberiya Dibistanan a Kantona Qamişlo Goran Şakir axivî, rola peymangehê ya avakirin û pêşxistina mamosteyan destnîşan kir.

Piştre bawername li 600 mamosteyên navçeya Girkê Legê û Til Koçerê hatin belavkirin.

Şahî bi stranên koma Alînya ya navenda Çand û Hunerê ya Aram Tîgran bi dawî bû.

ANHA


Mijarên Din