​​​​​​​Artêşa Tirk a dagirker di navbera Til Temir û Zirganê de sewqiyatan pêk tîne

Çavkaniyekî leşkerî eşkere kir ku artêşa Tirk a dagirker li gundê Til Menax ê di navbera navçeyên Til Temir û Zirganê de, sewqiyatên leşkeri pêk tîne, her wiha tankan jî sewq dike.

Çavkaniyeke leşkerî ragihand ku artêşa Tirk a dagirker û çeteyên wê li gundê Til Menax ê li bakurê navçeya Til Temirê li ser rêya navçeya Zirganê, sewqiyatên leşkerî pêk anîn.

Heman çavkanî daxuyand ku artêşa Tirk a dagirker satirên axî ji ser girê gundê Menax rakirin û tankên xwe lê bi cih kirin.

Girê gundê Til Menax girekî stratejîk ê li ser rêya di navbera Til Temir û Zirganê de ye.

Ev sewqiyat hemwextî zêdebûna êrişên dewleta Tirk a dagirker ên li ser gundên Til Temir û Zirganê pêk tê.

(cx)

ANHA


Mijarên Din