Artêşa Lîbyayê: Çeteyên sûrî li Terablusê bi cilên polîsan in

Gerînendeyê rêveberiya Tewcîh El-manewî ya fermandariya giştî ya artêşa Lîbyayê serbaz Xalid Mehcob ragihand ku beşa yekemîn ji çeteyên sûrî piştî perwerdekirinê ji hêla Wezareta Hundirîn a hikumeta Wîfaqê ve, bi cilên polîsan daket peytexatê Terablusê.

Piştî rapora komîteya cezayên navneteweyî ya der barê Lîbyayê de ku hatiye  piştrastkirin dewleta Tirk çeteyan vediguhêze welat, serbaz Xalid Mehcob îro ji tora El-Erebiyê re diyar kir ku komek ji çeteyên sûrî li baregeha Tekbalî ya li paytexta Terablusê hat perwerdekirin û bi cilên polîsên lîbyayî daketin kolanan û dest bi erka xwe kirin.

Di dîmenan de hat eşkerekirin ku endamên çeteyên sûrî bi cilên polîsên lîbyayî perwerdeya xwe li baregeheke li başûrê paytexta Terablusê dibînin.

(fr)


Mijarên Din