Amadekariyên vekirina kampa koçberên Girê Spî dest pê kir

Şaredariya Gel a Navçeya Eyn Îsa, dest bi amadekirina binesaziya kampa koçberên Girê Spî ku dikeve başûrê navçeyê, kir.

Şaredariya Gel a navçeya Eyn Îsayê ji bo koçberên Girê Spî yên ku ji ber êrîşên dagirkeriya dewleta Tirk û çeteyên wê yên DAIŞ`ê û Cebhet El-Nusre koçberî Tebqa, Reqa û Eyn Îsa bibûn amadekirina vekirkirina kampekê dikin.

Rêveberiya Xweser a Baskur û Rojhilatê Sûriyê biryar stand ku bi kordîneya Meclîsa Kantona Girê Spî kampekê  koçberan ava bike û pêwîstiyên wan pêşkêş bike.

Têkildarî mijarê, berpirsê xabatên avakirina kampê Mihemed El-Ehmed got:`` Me îro alavên dûzkirina erda kampê anîn, dê piştre torên avê bê dirêj kirin."

Mihemed El-Ehmed her wiha destnîşan kir ku, dê kamp li gorî çend qonaxan were avakirin, di her qonaxekê de dê 700 kon bên danîn û ev yek dê li gorî hejmara malbatên têne kampê, birêve biçe.

El-Ehmed tekez kir ku dê tevahiya pêwîstiyên girîng ên kampê, wek av, nan, kehrebee, dibistan û germavan, peyda bikin.

El-Ehmed dazanîn ku dê xebatên avakirina kamp berî hatine zivistanê, bi dawî bibin.

(rr)

ANHA

 


Mijarên Din