1. Kongreya Yekitiya Bijîşkên Herêma Cizîrê bi dawî bû

Kongreya Yekemîn a Yekitiya Bijîşkên Herêma Cizîrê bi avakirina meclisa yekitiyê û pejirandina rêziknameyê bi dawî bû.

Piştî bidawîbûna avakirina yekitiyên bijîşkan li kanton û bajarên herêma Cizîrê, bi beşdaiya 200 bijîşkan, bi dirûşma "Bi zanabûna tenduristiyê ber bi avakirina civakeke ekolojîk û demokratîk ve" Yekemîn Kongreya Yekitiya Bijîşkan a Herêma Cizîrê li bajarê Qamişlo li dar ket.

Piştî nirxandin û nîqaşan rêziknameya yekitiyê ku ji 64 bendan pêk tê ji aliyê beşdaran ve hate pejirandin.

Di dawiyê de Meclisa Yekitiya Bijîşkên Herêma Cizîrê ji 26 endaman hate avakirin. Ehmed Yûsif û Şirîn Silêman wekî hevserokên meclisa yekitiyê hatin hilbijartin.

ANHA


Mijarên Din